spurriemokken lid worden

Bonte Aovend Drive-Tru & Ledenpakket bon

Bonte Aovend Drive-Tru & Ledenpakket bon

Bèste lid van V.V. De Spurriemök,

Ienmiddels hebbe alle leje van V.V. De Spurriemök unne brief ontvange mit daorbej ok un tegoedbon. Ien dizze brief wier d’r gesproke ovver un “Bonte Aovend pakket”.

Wej hebbe ientusse ien de gate gekrege dat ut nie vur iederiën hiël duudeluk is wat precies de bedoeling is van dizze brief mit tegoedbon. Verder zun wej ollie nog verder informiere ovver dit pakket. Vandaor dizze mail.

Vur ollie as lid hebbe wej un moj wèrmhald pakket vur dizze en ankommende winters gemakt, bestaonde uut unne echte Spurriemökke muts en bejbehuurende handschoën. Zoë kunde gej wèrm naor d’n optocht kieke, wèrm naor de Mökkestal komme en wer wèrm naor huus gaon nao ut Ald Wieverbal.

Tigge ienlevering van de “Ledenpakket bon”, kunde gej dit pakketje komme ophale ien ozze Drive-Tru op 5 fibbrewarie, tusse 12:00 uur en 16:00 uur. De Drive-Tru stöt op os Dörpsplein ien Oeldere.

Wej begriepe dat de term “Bonte Aovend Pakket” wellicht vur verwarring het gezurregd en ok nie de bèste keuze was om te gebruuke. Mit ut lejepakket speulde dus nie automatisch mit mit d`n Bonte Aovend.

Wilde gej wel nog mit speule, dan kunde ow nog altied opgève. Dit kunde doen dur via dizze link ow an te melde. Dizze link blieft tot ankommende zondag geldig. Het pakket dat gej dan bestelt, kunde tegeliekertied mit ow lejepakket afhale ien ozze Drive-Tru.

As gej ow angemeld het kriegde un tikkie van os, via het opgegève tillefoonnummer.

https://forms.office.com/r/an56vVt47V

Terug naar overzicht
© 2022
Created by